Antzerki-ekoizpena sustatzeko laguntza bosgarrenez plazaratu du Euskaltzaindiak, Bilboko Udalaren Kultura atalaren babesarekin, Lautan Hiru antzerki txikiko formaturako laguntza. 2.500 euroko laguntza emango zaio hautatutako lanari (gidoiaren eta antzezlanaren ekoizpena).

Helburu nagusia euskarazko antzerkia hauspotzea da, batez ere, pieza laburren sorkuntzari lagunduta. Antzezlanek, gehienez ere, 30 minutu eta, gutxienez, 15 minutuko iraupena izan behar dute. Testuek euskaraz idatzita egon behar dute.

Saria 2.500 eurokoa izango da, eta hautatutako antzezlana 2025eko LAUTAN HIRU jaialdian estreinatuko litzateke (epaimahaiak jarraipena egingo dio ekoizpen prozesuari).

Proposamenak aurkezteko epea urriaren 6a bitartekoa da, eta hemen aurkituko dituzu oinarri zehatzak.