Bai euskarari bai euskarari. zerbitzua eta lana euskaraz Premie Euskara-Planak

| eu | es |

Adagio AA sistemarekin Egunean Behin-erako galde-erantzunak sortu ditugu automatikoki

2024/06/13 sustatu.com -- Albiste originala ikusi

Gipuzkoako Foru Aldundiaren Kultura sailaren babesarekin, "Ekaingo Leizetik Adimen Artifizialera" dugu leloa Egunean Behinen denboraldi honetan, eta horri lotutako berritasun bat aurkeztu genuen hasieran, Latxa, adimen artifizialeko ekimen euskalduna, jokalari bat bezala ari baita parte hartzen. Orain, beste nobedade bat aurkezten dugu: adimen artifizialez sortutako galdera sorta gehitu dugu, Adagio AA sistemaren bidez egindako lana.

Adagio I+G proiektu bat da, Eusko Jaurlaritzaren Hazitek programaren barruan garatzen ari dena. Adagioko partzuergoa osatzen dugu geuk, Egunean Behinen sortzaile CodeSyntax-ek, eta LKS NextAthlonKreanOndoan eta SS4C-ek. Adagioren koordinatzaile zientifiko-teknologikoa eta proiektuan erabiltzen diren adimen artifizialeko (AA) tresnen garatzaile nagusia Vicomtech ikerketa zentroa da.

Zera da garatu dena: euskarazko testuak aztertuz, galdera-erantzunak Egunean Behin-erako formatuan sortzeko sistema bat. Elikadura gisa ematen zaion testuan oinarritutako galdera-erantzunak dira, zuzena zein den zehaztuz, eta oker parea ere eskainiz (jokoaren datubaseak eta mekanikak hori behar baitu). Llama3 hizkuntza eredua, Meta enpresarena, eta Vicomtechen beste teknologia batzuk erabili dira sistemaren oinarria eratzeko.

Lehen aproba bezala, Wikipediako ausazko ehundaka orri arakatu dira, eta bakoitzetik 5 galdera atera, bakoitzak behar dituen 3 erantzunekin (2 okerrak). Milaka galdera eskuratu ziren horrela, eta multzo horretan, 250 bat galdera araztu dira, pertsonek orrazketa eta gainbegiraketa eginez.

Giza-gainbegiraketa inportantea da adimen artifizial sortzaileko sistemetan, erroreak gertatzen baitira. Sistemak sortutako lehen multzoan emaitzak oro har fidagarriak dira, baina berrikuspena ezinbestekoa izan da. Aukeratatuko Wikipediako testu-orriak ere ausazkoak izan dira, eta gai batzuk baziren jakintza orokorrekoak, eta beste batzuk nahiko esoterikoak suertatu dira. Orrazketa eskatzen zuen horrek beraz.

Gainbegiraketan pertsonak aritzea lana da, baina AA egoki batek galdera-erantzunen sorkuntza masiboan denboran aurreztea ekartzen digula ikusi dugu. Egunean Behin-en funtsetako bat da milaka galdera behar direla, jokalari bakoitzak egunero sorta desberdinak jaso ditzan, eta estrategia informatiko desberdinen bidez sortu izan ditugu orain arte. Adagio bezalako AA sistema batek aurrerapena dakarkigu beharrezko edukiak sortzeko orduan.

Wikipediako edukiekin kontzeptu-proba hau egin ondoren, segituko dugu Egunean Behin-erako galdera-erantzun eduki gehiago sortzen AA bitartez.

Adagioren inguruan gehiago jakiteko, hemen.


Iruzkinak:



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!