Bai euskarari bai euskarari. zerbitzua eta lana euskaraz Premie Euskara-Planak

| eu | es |

Artizarra plataformak bost urte bete ditu

2023/12/15 sustatu.com -- Albiste originala ikusi

Artizarra.eus euskarazko sare sozial tekniko-profesionala 5 urte bete ditu. Udako Euskal Unibertsitateak (UEU) sortu zuen plataforma hau, "sare sozial tekniko-zientifiko-profesional" bezala definitua. Ikerlari eta profesionalen arteko harremanak errazteko sortu zen eta gaur gaurkoz 1.000 kide baino gehiago biltzen ditu. UEUko Zihara Enbeita lankideak kudeatzen du egun, hona bere profila Artizarra.eus-en bertan.

Artizarra proiektuak UEUren Inguma.eus du abiapuntu. Ingumak, euskal komunitate zientifikoaren datubaseak, azken 50 urteotan unibertsitate mailako zientzia eta jakintza-alor bakoitzean euskaraz idatziz eta ahoz ekoitzi denari buruzko oinarrizko informazioa eskaintzen du.

Komunitatearen saretzea helburu, plataformak hainbat funtzio ditu: adituekin harremanetan jartzeko aukera, eztabaidak sortzeko tresnak, adituak bilatzeko, norberaren ekoizpena eta curriculum vitae zabaltzeko... Hona azalpeneko bideoan jasoak:

Gauza xumeak dira, baina era berean garrantzitsuak. Azken batean, ikertzaile, aditu eta profesional euskaldunei ikusgarritasuna ematen zaielako.

5. urteurrenaren harira, zera proposatzen digu UEUk: "Artizarra proiektu soziala den neurrian ez da proiektu bukatua eta komunitate zientifiko-teknikoaren laguntza behar du. Beraz, bertan baldin bazaude beste kideekin saretzeko proposamena egiten dizugu, eta ez baldin bazaude, gure orbitara biltzera gonbidatzen zaitugu!"

Ezagutu eta erabili www.artizarra.eus 


Iruzkinak:



atez euskara zerbitzua
Artez Euskara Zerbitzua Koop. E.
H: Luzarra, 10 - Deustu Bizkaia Euskal Herria
T: (34) 944 480 000 F: (34) 944 757 229
Kontaktua - Lege jakinarazpena
twitter Facebook
bfa spri Babesleak
XHTML 1.0 Transitional balidoa CSS Balidoa!